جربت مرة ؟
تعلِّى صوت غنوتك
تضحك .. تعاند دُنيتك
تخطّط تدوّر تقرّر تحوّر
وفى آخر الطريق ..
ترضى بقسمتك
~~~
جربت مرة ؟
تهدى دموعك للقمر؟
ليالى تسهر
ولما تكبر ..
قلبك يعانى من السهر
يستنى رخّات المطر
تنزل .. تدوب
تدوِّب قلوب ..
عاندها القدر
~~~
جربت مرة ؟
تحضن سحابة فى
السما؟
عدت ..وطافت إنما
وعدت تشوف
باقى ضيوفها فى
السما
وترجع لنا
تانى هنا
فى نفس المـكان
فى نفس المـكان
هــا ؟
.. شوفتها؟
.. شوفتها؟
ولا قلبك صابه
العمى؟
~~~
جربت مرة ؟
تخلى العتمة تضوى
تخمد صوت اللى يعوى
فى نور الفجر تعشق
وفى أرض الحب تروى
~~~
جربت مرة ؟
تفكر فى اللى فات؟
تقول الآآآه
تتبعها : م الذكريات
حلوها مات
مفاضلش منه غير رماد
أو فُـتات
آه من ذكريات
بتقلب مواجعنا ..
فى لحظة سكات
أه من ذكريات
حزنها هو اللى عاش
حزنها هو اللى بات .. !
إيمــــــــــــان يا محمد يا عاطف
ردحذفطبعــاً طبعــــــاً رأيى فى كتاباتك مش هيتغير
.
لغتك بسيطه ..والكلمات مضمونها على قدر كبير
من المعانى ..
خاصه بقى لما تكتبى بالعاميه
وبتغيرى مسار الكتابه
بيدل على قدرتك فى تنسيق الكلماااااااات
وبالتالى مدلولها بيكون مفهوم
وبيوصل بسرعه..
بجد والله ..جميله ..وفله ..شمعه ..منوره
تسلم ايدك..^_*
هههههههههههههه
حذففلة شمعة منورة؟؟؟؟ :D
أنا كدة اتطمن على مستقبلى العامــى :))
ربنا يخليكى يا منار
دايماً بتشجعينى كدهون وبتساندى المغمورين أمثالى =))
الله
ردحذفمجربتش كل دة بالفكر دة يا ايمى
لابجد ابدعتى يابنتى بجد بجد تسلم ايدك
استمتعت بكل جزء لوحدة كدة عشيت في اوى بجد
تسلم ايدينك :):)
تسلمى إنتى يا رونا ;)
حذفجه على بالى شوية تخاريف
قلت أحطها فين واوريها لمين؟
مالقيتش أحسن منكم يسمعنى :D :D :D
منورانى كالعادة يا جميــل ^^
رائعة مدونتك، هذه أول مرة أزورها، وسأتابعها
ردحذفما رأيك في نشر انتاجك أيضا على موقعنا العربي
tadwinat.com
أيه رايك نجرب مرة، ونشوف نتيجة التجربة
أهلاً بكَ أو بكِ فى المدونة :)
حذفطبعاً ده شرف ليا هذه المتابعة ^^
كنت أتمنى أعرف الإسم :)
بالنسبة للموقع .. فانا لسه أول مرة أشوفه
فهاعمل فيه جولة كدة أكتشفه وأكتشف نظامه إيه
جزاكم الله خيــراً :)
إبداع تبارك الرحمن
ردحذفربنا يخليكى يا عبير
حذفده بس من ذوقك :)
تفكر فى اللى فات؟
ردحذفتقول الآآآه
تتبعها : م الذكريات
حلوها مات
مفاضلش منه غير رماد
أو فُـتات
آه من ذكريات
بتقلب مواجعنا ..
فى لحظة سكات
أه من ذكريات
حزنها هو اللى عاش
حزنها هو اللى بات .. !
جمييييييييييييلة يا ايمى بجد بجد
والمقطع دا عاجبنى اوووى
وجو الموسيقى دا رائع بجد بجد
سمسمتىىىىى :D
حذفمنوووورة المدونة
ربنا يخليكى يا رافه معنوياتى ^^
تحففففففففففففففففففففففففه بجد :)
ردحذفمتشكرة جداً جداً يا أنغام :)
حذفجميله التدوينه دى
ردحذففيها روح كده
استمرى
شكراً يا أ.خالد
حذفقلت تبقى حاجة مختلفة شوية عن الباقى :)
وأخيرا كلماتك اخدت افراج
ردحذفاشتكت من ظلم السجان بدون سبب لحد دلوقتى :D
عقبال الباقى بقى
طبعا جامدة جدا جدا جدا
ومش محتاجه رأي أكيد
سجـــان؟؟؟؟؟!!!! O_O
حذفطيــب ! :(
رأيك طبعاً أعتز بيه جداً
جزاك الله خيــراً